दृष्टिबिहिन गायककाे डाक्टर बन्ने सपना ! बाढीमा बगेका प्रकाश तिमिल्सिना माझीको जालमा पारेर बाँचे अनि यसरी बने सफल गायक

इच्छा शक्ति हुनु पर्छ मानिसले जे पनि गर्न सक्छ। यसको उदाहरण खोज्न टाढा जानु पर्दैन नेपालमा नै पाइन्छ । त्यस्तै उदाहरण मध्येका एक हुन गायक प्रकाश तिमिल्सिना । उनको जीवन संघर्षले आम मानिसलाई एउटा उदाहरण दिन सक्छ ।

२०४४ सालको वैशाख १ गते सुनसरीको प्रकाशपुरमा जन्मिएका प्रकाश तिमिल्सिनालाई एक वर्षको सानो उमेरमा नै पारिवारीक विछोडको विपत्ति आइपर्यो । २०४५ सालको भुकम्प पछिको कोशीको बाढिका कारण उनले आफ्नो परिवार गुमाए नै आफ्नो दृष्टि पनि गुमाउन पुगे। उनै प्रकाश अहिले नेपाली संगीताकाशमा चम्किला तारा बनेर उदाइरहेका छन् ।

प्रकाशले देशविदेशमा थुप्रै कन्सर्टहरू गरेका छन्। नेपालका अधिकांश भागमा पुगेका उनी विदेशमा हङकङ दुई पटक, कोरिया, कतार र दुबई पुगेका छन्। आफ्ना गुमेको दृष्टि फिर्ता हुने आशामा छन् उनी । त्यसकालागि अस्ट्रियामा जानुपर्ने डाक्टरहरूको उनलाई सल्लाह रहेको छ । अहिले उपचारको लागि आवश्यक ४५ लाख रूपैयाँ लाग्नेछ, पैसा जम्मा गर्दैछन् प्रकाश । आफू समाजसेवी भएर समाजसेवा गर्न चाहन्छन प्रकाश । हेर्नुहोस उनीसंग गरिएको कुराकानी :