अस्पतालबाट निर्मलले भनेः मलाई गोली लाग्दा प्रहरी रमिते बने, व्यापारी हेरेको हेरै ! पुरा पढ्नुहोस

जिल्ला प्रहरी कार्यालय कैलालीका अनुसार बिहान सवा दश बजेको समयमा ग्लोबल बैंकमा रहेको आईएमई सेन्टरका कर्मचारी निर्मल कार्की माथी गोली प्रहार गरेरे साँढे नौ लाख रुपैयाँ लुटिएको हो ।

धनगढीको चौराहा मुख्य बजारको पुरानो सब्जीमन्डी जाने चोक नजिक रहेको एनसीसी बैंकबाट कार्कीले पैसा झिकेर बाहिर निस्कँदै गर्दै मोटरसाइकलमा आएका २ जना नकावधारीले गोली हानी पैसा लुटेर लगेका हुन् ।

गोली प्रहार गरी भागेका दुईजना लुटेरालाई प्रहरीले पक्राउ गरेको प्रहरी उपरिक्षक विनोद घिमिरेले जानकारी दिए ।

कार्कीको छाती र कुइना माथीको पाखुरामा गोली लागेको छ । उनको उपचार सेती अञ्चल अस्पतालमा भइरहेको छ । घाइते कार्कीले पैसा राखेको ब्यागलाई खोसेर लैजान नदिँदा तानातान भएपछि लुटेराले गोली हानेको बताए । उनले आफू नियमित बैंकमा पैसा लिन जाने गरेको बताएका छन् । उनले भने, ‘सिद्धार्थ बैंकबाट पैसा लिएर फर्किंदै गर्दा मूल सडकमै मलाई गोली हानेर लुटियो ।’

‘गोली लागे पछि म सडकमा ढलें,’उनले भने, ‘छेउमै प्रहरीहरु थिए । सडकमा ओहोर दोहोर गर्ने मान्छे पनि थिए । वरिपरि पसलेहरु पनि थिए । तर सबै रमिते भए । कोही पनि मलाई जोगाउन आएनन् । म ढल्दा पनि मलाई उठाउन कोही आएन । प्रहरी र दर्जनौं व्यापारीहरुको अघिल्तिरबाटै लुटेराहरु गोली हानेर, लुटेर भाग्दा पनि न प्रहरीले पक्रन सक्यो, न अरु मान्छेले समात्ने प्रयास गरे ।’

सेती अस्पताल इमरजेन्सी विभागका कृष्णबहादुर बोहराका अनुसार घाइते बोल्न सकिरहेको भएपनि छातिमा गोली भएकोले अवस्था गम्भिर रहेको बताए ।
साभार kathmandutoday