धरानमा लागू औषधसहित चार जना पक्राउ.

धरान / धरानको छुट्टाछुट्टै स्थानबाट भारी मात्रामा लागू औषधसहित चार जनालाई धरान प्रहरीले प्रक्राउ गरी सार्वजनिक गरेको छ । प्रहरीले धरान ११ का अरुण चौधरी, धरान १० का नवराज गुरुङ, धरान १५ का अल्वर्ड गुरुङ र धरान १२ का अनिष तामाङलाङलाई २ सय ३० ट्याब्लेट नाइट्रोशन, एभिल २सय १०, डाइजेलाप २ सय १० र लुपिसेसिक २ सय १० गरी ६ सय ३० एम्पुल सहित ३० हजार नगद बरामद गरेको छ ।

प्रक्राउ परेका अरुण चौधरीले हिजो दिउसो १२ः ३० बजेको समयमा तीनकुने चेकपोष्टमा प्रहरीले चेकजाच गर्ने क्रममा ९० ट्याब्लेट नाइट्रोसनसहित प्रक्राउ गरेको हो भने नवराज गुरुङ, अल्वर्ड गुरुङ र अनिष तामाङलाई पनि हिजै साढे ५ बजे धरान १० मुनाल पथमा शंकास्पद अवस्थामा बसिरहेको अवस्थामा खोजतलास गर्दा १४० ट्याब्लेट नाइट्रोसन, एम्पुल एभिल, डाइजेलाप र लुपिजैसिक गरी ६३० एम्बुलसहित नगद ३० हजार बरामद गरेको इलाका प्रहरी कार्यालय धरानका प्रमुख डिएसपी रामेश्वर पौडेलले जानकारी दिनुभयो ।
प्रक्राउ पनेलाई आजै म्याद थपका लागि जिल्ला अदालत लगिएको डिएसपी पौडेलले जानकारी दिनुभयो । उनीहरुलाई लागू औषध कारोवार ऐन अन्तर्गत कारबाही अगाडि बढाइने भएको छ ।